नेपाली आरोही टोलीलाई भारतको बधाई

काठमाडौं । हिउँद याममा दोस्रो सर्वोच्च शिखर माउन्ट केटू आरोहण गरेको नेपाली दललाई भारतले बधाइ दिएको छ । राजदूत विनयमोहन क्वात्राले यो ऐतिहासिक सफलताका लागि बधाइ दिएका हुन् ।

‘कसैले दबाउन नसक्ने आकांक्षा र टीमवर्कलाई मेरो सलाम छ’ राजदूतले ट्वीट गरेका छन् ।

बुधबार भारतीय कांग्रेसका अध्यक्ष राहुल गान्धीले पनि नेपाली टीमलाई बधाइ दिएका थिए । नेपाली टीमले गत शनिबार पाकिस्तानस्थित माउन्ट केटू आरोहण गरेको थियो ।