खोप अभियान सुरु गरेकोमा नेपाललाई राष्ट्रसंघको बधाई

काठमाडौं । राष्ट्रसंघले कोभिड–१९विरुद्ध खोप अभियान संचालन गरेकोमा नेपाललाई बधाइ दिएको छ । राष्ट्रसंघकी नेपालस्थित आवासिय संयोजक सारा बिसेलोले नेपाली अधिकारीहरुसँगको भेटमा बधाइ व्यक्त गरेकी हुन् ।

‘पहिलो चरणमा फ्रन्टलाइन वर्कसले खोप पाउँदै गर्दा यो संकटको घडीमा बालबालिका र उनीहरुको परिवारलाई गरेको सेवाप्रति हामी हार्दिक धन्यवाद दिन चाहन्छौं’ विज्ञप्तीमा उल्लेख छ ।

राष्ट्रसंघअन्तर्गतको विश्व स्वास्थ्य संगठनले संचालन गरेको कोभ्याक्स कार्यक्रम अन्तर्गत नेपालले पनि खोप पाउँदैछ । नेपालले मंगलबारदेखि आपतकालिन खोप प्रयोगमा ल्याएको हो । अक्सफोर्डले विकास गरेको एस्ट्राजेनेका खोप झन्डै ५ लाखलाई लगाउने सरकारी योजना छ ।