अन्नपूर्ण चिनी मिलका सञ्चालक अग्रवाल पक्राउ
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/01/anna-purna-sugar-mill.jpg)
काठमाडौं । उखु किसानको पैसा नदिने चिनी उद्योगी राकेश अग्रवाललाई पक्राउ गरेको छ । अग्रवाललाई त्रिपुरेश्वरबाट पक्राउ गरिएको महानगरीय प्रहरी परिसर काठमाडौंका एसएसपी अशोक सिंहले नेपालप्रेसलाई बताए ।
उखु किसानको बक्यौता रकम भुक्तानी नगरेकाले उनीविरुद्ध सर्लाही र नवलपरासीमा ठगी मुद्दा दर्ता भएकाले उनलाई पक्राउ गरिएको सिंहले बताए । अग्रवाल नवलपरासी पश्चिमस्थित इन्दिरा चिनी मिलका समेत सञ्चालक हुन् ।
उद्योग, वाणिज्य तथा आपूर्ति मन्त्रालयका अनुसार अन्नपूर्ण चिनी मिलले अहिलेसम्म ९ करोड ९० लाख रुपैयाँ मात्रै किसानलाई भुक्तानी गरेको छ । मिलले किसानलाई अझै १७ करोड रुपैयाँ भुक्तानी गर्न बाँकी छ ।
कृषकलाई २१ दिनभित्र उद्योगीबाट भुक्तानी दिलाइदिने भनेपछि पुस १३ गते सरकार र किसानबीच ४ बुँदे सहमति भएको थियो । उक्त सहमतिपछि किसानहरुले आन्दोलन फिर्ता गरेका थिए ।