प्रधानमन्त्री ‘हुतीहारा’ भनेपछि विडारीलाई भनियो- वरिष्ठज्यू ! अपशब्द नबोल्नुस्

काठमाडौं । प्रधानन्यायाधीश चोलेन्द्र शमसेर जबराले संवैधानिक इजलासमा बहस गर्दा अपशब्द प्रयोग नगर्न वरिष्ठ अधिवक्ता रामनारायण विडारीलाई सचेत गराएका छन् ।

प्रतिनिधिसभा विघटनविरुद्धको मुद्दामा सुनुवाइ चलिरहँदा बहस गर्ने क्रममा राष्ट्रिय सभाका सांसद समेत रहेका बिडारीले प्रधानमन्त्रीलाई ‘हुतीहारा’ र कसको रिसले कसको काख फोहोर गर्नेजस्ता शब्द प्रयोग गरेपछि इजलासबाट उनलाई रोकिएको हो ।

करिव आधा घण्टा बहस गरेका विडारीले सरकार चलाउन पनि असफल र पार्टी चलाउन पनि असफल हुतीहारा प्रधानमन्त्री भनेका थिए । उनले सौताको रिसले पोइको काख फोहोर गर्ने नेपाली उखानलाई समते बिम्बका रूपमा प्रयोग गरेपछि इजलासबाट रोकिएको हो ।

बिडारीलाई प्रधानन्यायाधीश राणाले भने, ‘वरिष्ठ ज्यू ! यस्ता अपशब्दहरु यहाँ प्रयोग नगर्नुस्, आफ्नो बहस छोट्याउनुस् ।’