युएईले विदेशीलाई पनि नागरिकता दिने, यस्ता व्यक्तिले मात्र पाउँछन्

एजेन्सी । संयुक्त अर इमिरेट्स (युएई)ले ‘सक्षम’ विदेशी नागरिकलाई नागरिकता दिने कानून ल्याएको छ । सक्षम व्यक्तिहरु ती हुनेछन् जो खाडीको यो देशका लागि आफ्नो योगदान दिन सकुन् र अझै उत्कृष्ट काम गर्न सकुन् ।

युएईका उपराष्ट्रपति तथा दुवईका शासक शेख मोहम्मख बिन रशिद अल मकतुमका अनुसार उनको देशको नागरिकता पाउने सक्षमता राख्ने विदेशीहरुमा लगानीकर्ता, डाक्टर, इन्जिनियर, कलाकार वा यस्तै केहि विशेष प्रतिभाशाली हुनुपर्नेछ ।

नागरिकता पाउने व्यक्ति र उनको परिवारले पनि दोहोरो नागरिकता राख्न पाउनेछन् । दुवईका शासक शेख मोहम्मदले कर्डा सर्तहरुमार्फत विदेशीलाई युएईको नागरिक बनाउने कुरा गरे पनि यहाँ कम आय भएका मानिसका लागि भने स्थायी बसोबासको कुनै सुविधा रहनेछैन ।

शेख मोहम्मद भन्छन्, ‘हामी यस्ता मानिसहरुलाई आकर्षित गर्न चाहन्छौं, जसले हाम्रो विकास यात्रामा योगदान गर्न सकुन् ।’

नागरिकता प्राप्त गर्न कुनै आवेदन प्रक्रिया हुने छैन । युएईको राजपरिवारका सदस्य वा कुनै अधिकारीले कुनै विदेशीलाई नागरिकता दिन सिफारिस गर्नेछ । त्यसपछि युएईको क्याविनेटले यसबारे निर्णय गर्नेछ ।

यो निर्णय यस्तो समयमा भएको छ कि कोरोना महामारी र तेलको मूल्यमा आएको गिरावटका कारण हजारौं विदेशी युएई छाडेर बाहिरिरहेका छन् । अबुधावीबाट निस्कने अखबार द नेशनलका अनुसार नयाँ व्यवस्थाबाट खास क्षेत्रका विशेषज्ञ, र बिदेशी लगानीकर्तालाई युएईमा अवसर मिल्नेछ ।