आज माघ १९, राजनीतिमा ‘कालो दिन’को स्मरण गरिंदै

काठमाडौं । आज माघ १९, पूर्व राजा ज्ञानेन्द्र शाहले तत्कालीन सरकारलाई खारेजको निर्णयसहित राजनीतिक ‘कु’ मार्फत शासनसत्ता हातमा लिएको दिन । आफैंले प्रत्यक्ष शासन सुरु गरेको दिन ।

२०६१ साल माघ १९ गते शेरबहादुर देउवा नेतृत्वको तत्कालीन मन्त्रिमण्डललाई बर्खास्त गरी प्रजातान्त्रिक व्यवस्थालाई सक्रिय बनाउने भन्दै शाही सम्वोधनमार्फत शासनसत्ता आफ्नो हातमा लिएका थिए ।

राजतन्त्रात्मक व्यवस्थाको खारेजी र संघीय गणतन्त्रात्मक व्यवस्थाको सुरुआतका लागि पूर्वराजा ज्ञानेन्द्रको यो ‘कु’ निकै नै महत्वपूर्ण रहेको मानिन्छ ।

राजाले आफ्नो नेतृत्वमा मन्त्रिमण्डल गठन गरी मुलुकमा राजनीतिक अधिकार, मानवअधिकार र प्रेस स्वतन्त्रतामाथि प्रहार गरे । त्यतिबेला टेलिफोन लाइनसमेत काटिएको थियो र सञ्चारगृहमा सेना परिचालन गरिएको थियो ।