प्रधानमन्त्री ओलीद्वारा स्वर्गीय हेमनारायणको सालिकमा माल्यार्पण
नेपाल प्रेस
२०७७ माघ १९ गते १५:०६
सिरहा । प्रधानमन्त्री केपी शर्मा ओलीले सिरहा सदरमुकामस्थित शहीद स्वर्गीय हेमनारायण यादवको सालिकमा माल्यार्पण गरेका छन् ।
१७ औं स्मृति दिवसको अवसरमा कडा सुरक्षाबीच उनले सालिकमा माल्यार्पण गरेका हुन् । माल्यार्पण अघि शहीद यादवका छोरा डा नविन यादव, श्रीमती पारोदेवी र नेता कार्यकर्ताले प्रधानमन्त्री ओलीलाई फूलमाला लगाएर स्वागत गरेका थिए ।
माल्यार्पण गर्न पुगेका प्रधानमन्त्री ओलीविरुद्ध नेकपा प्रचण्ड नेपाल समूहका नेता कार्यकर्ताले नाराबाजी गरेका छन् । नाराबाजी गर्ने आधा दर्जन नेतालाई सुरक्षाकर्मीले नियन्त्रणमा लिएको छ ।
सभामा गाउँ गाउँबाट हजारौं कार्यकर्ता आइपुगेका छन् ।
नेपाल प्रेस
प्रकाशित: २०७७ माघ १९ गते १५:०६
प्रतिक्रिया
सम्बन्धित खवर
