सुकीद्वारा सैन्य ‘कु’लाई अवज्ञा गर्न आग्रह

काठमाडौं । म्यानमारको सैनिकले कु गरेपछि प्रजातन्त्रवादी नेतृ आङ सान सुकीको पहिलो औपचारिक वक्तव्य आएको छ ।

सुकीको दल नेसनल लिग फर डेमोक्रेसी (एनलएडी)ले वक्तव्य जारी गर्दै नागरिकलाई कुको अवज्ञा गर्न आग्रह गरिएको छ ।

चुनावका लागि प्रयोग गरिएको चेयर एनएलडी पेजबाट उक्त वक्तव्य जारी भएको हो । सोमबार बिहान राष्ट्रपति विन मिन्टलगायत नेताहरुसँगै म्यानमारकी स्टेट काउन्सिलर तथा विदेशमन्त्री सुकीलाई पनि सेनाले गिरफ्तार गरेको थियो ।

सुकीले उक्त वक्तव्यमा नागरिकलाई सैन्य कूु अस्वीकार गर्न आग्रह गरिएको छ । वक्तव्यमा पार्टी अध्यक्ष विन हेटस्टेइनको हस्ताक्षर छ ।