खेतमा गाडेको अवस्थामा भेटियो १८५ राउण्ड गोली

काठमाडौं । मोरङको उर्लाबारी नगरपालिका १ लक्ष्मीझारमा १ सय ८५ राउण्ड गोली भेटिएको छ ।

लक्ष्मीझार बस्ने दल बहादुर लिम्बुको खेतबारीबाट ७.६२ एमएम को १ सय ८५ राउण्ड गोली बुधबार दिउँसो प्रहरीले फेला पारेको हो ।

लिम्बुले खेतबारी खन्ने क्रममा प्लाष्टिकभित्र पोका पारी माटो मुनी गाडेको बेवारिसे अवस्थामा उक्त गोली फेला पारेका थिए ।

ईलाका प्रहरी कार्यालय उर्लाबारीबाट खटिएको प्रहरीले गोली बरामद गरेको प्रहरीले जनाएकोे छ ।