आम हड्ताल
जनकपुरमा बन्दकर्ता र प्रहरीबीच झडप, पूर्वमन्त्री झा घाइते
प्रहरीद्वारा अश्रुग्याँस र हवाई फायर
२०७७ माघ २२ गते १४:२२
जनकपुरधाम । प्रदेश २ को अस्थायी राजधानी जनकपुरधाममा नेकपा प्रचण्ड-नेपाल पक्षका कार्यकर्ता र प्रहरीबीच झडप भएको छ ।
जनकपुरधामस्थित शिव चोकमा खुलेको पसल बन्द गराउन खोज्ने बन्दकर्ता र प्रहरीबीच झडप भएको हो । झडपमा नेकपा नेता तथा पूर्वमन्त्री रामचन्द्र झाको टाउको फुटेको छ । उनीसहित दर्जनौं घाइते भएका छन् ।
स्थिति नियन्त्रणमा लिन प्रहरीले केही सेल अश्रुग्याँस र हवाई फायर समेत गरेको छ । अहिले शिव चोकमा ठूलो संख्यामा सुरक्षाकर्मी परिचालन गरिएको छ ।
यस सम्बन्धमा प्रहरी अधिकारीसँग भने सम्पर्क हुन सकेन ।
प्रकाशित: २०७७ माघ २२ गते १४:२२
प्रतिक्रिया
सम्बन्धित खवर
