हिउँ परेपछि खुलेको आकाश

काठमाडौं । गत वर्ष मंसिर पहिलो सातादेखि हिउँ पर्न थाल्ने हिमाली जिल्लाहरूमा यस वर्ष भने माघको १५ सम्म आइपुग्दा पनि हिउँ देखिएन । हिमालमा भएका हिउँहरु पनि पग्लेर कालापत्थरमात्रै देखिन थालेको थियो । हिमाली भेगमा लगाइएको अन्नबाली सप्रने एउटै आधार भनेको हिउँ हो ।

हिउँ परेपछि आलु, गहुँ, फापर लगायतका अन्नबालीलाई राहत छ । तर, यसवर्ष माघसम्म वर्षा र हिउँ नभएपछि कृषकहरू चिन्तित देखिन थालेका थिए।

जलवायु परिवर्तनको असरले गर्दा हिमालमा हिउँ नपरेको भन्दै वातावरणविद्हरुले चिन्ता व्यक्त गरेका छन् । यसवर्ष ढिलै भएपनि किसानको मुहारमा चमक ल्यायो । बिहीबार रातिदेखि परेको हिउँले कृषक मात्र होइन हिउँ खेल्न रमाउनेहरू पनि खुशी भएका छन् । काठमाडौं उपत्यका नजिकैका अग्ला डाडाँहरू पनि हिउँले सेताम्य छ । आकाश पनि खुल्दा विभिन्न जिल्लाहरुको डाँडाकाडाँ यस्तो देखियो

तस्बिर सौजन्य : निमा ज्याल्जेन शेर्पा  र रासस