स्रोत नखुलेको रकमसहित दुई भारतीय पक्राउ

बारा । बाराकाे फेटा गाउँपालिका -५ जोतपुरबाट स्रोत नखुलेको रकमसहित दुई भारतीय नागरिक पक्राउ परेका छन् ।

प्रहरीले स्रोत नखुलेको ४९ लाख रुपैयाँ सहित भारत घर भएका २६ वर्षीय अरबिन्द महतो सहित २ जनालाई शनिबार दिउँसो पक्राउ गरेको हाे।

अस्थाई प्रहरी पोष्ट जोतपुरबाट खटिएको प्रहरीले भारतबाट नेपालतर्फ आउँदै गरेको बिआर ५ वाई ६४१७ नम्बरको मोटरसाइकल जाँच गर्दा उक्त रकम फेला पारी चालक महतोलाई मोटरसाइकल सहित पक्राउ गरेको हो ।

प्रहरीले थप अनुसन्धान गरिरहेको छ ।