(नेकपा) ओली पक्षले गर्यो बुटवलमा मोटरसाइकल र्‍याली

रुपन्देही । फागुन १ गते बुटवलमा गर्न लागिएको जनप्रदर्शनको प्रचारप्रचार गर्दै नेपाल कम्युनिष्ट पार्टी (नेकपा) ओली पक्षले आज बुटवलमा मोटरसाइकल र्‍याली निकालेको छ ।

युवा विद्यार्थीको संयोजनमा जनसभाको प्रचारका लागि मोटरसाइकल र्‍याली निकालिएको नेता गोपाल रानाले बताए । र्‍यालीको लुम्बिनी प्रदेशका मुख्यमन्त्री तथा नेकपा प्रदेश इन्चार्ज शंकर पोखरेलले उद्घाटन गरेका थिए ।

बुटवलको चौराहबाट सुरु भएको र्‍याली ट्राफिक चोक, गोलपार्क, हाटबजार, अमर पथ हुँदै पुष्पलाल पार्कमा पुगेर समापन भएको थियो ।फागुन १ गते बुटवलको सिद्देश्वर मैदानमा हुने सभालाई प्रधानमन्त्री तथा नेकपा अध्यक्ष केपी शर्मा ओलीले सम्बोधन गर्ने कार्यक्रम तय भएको छ ।