काठमाडौं । नागरिक आन्दोलनका नाममा राजधानीमा दिनहुँ थरि-थरि प्रदर्शनहरु भइरहेका छन् । शुक्रबारको एउटा प्रदर्शनमा भने अनौठो दृष्य देखियो ।
प्रदर्शनकारीकै हुलबीच सेता वस्त्र पहिरिएका केही महिला पुरुषले एक युवतीको ‘लाश’ बोकेर हिँडिरेहका थिए । महिलामाथिको बढ्दो हिंसा र बलात्काको विरोध गर्दै बृहत नागरिक आन्दोलनको अगुवाइमा गरिएको ‘सिंहदरबार महिला मार्च’ वसन्तपुरबाट शुरू भएर रत्नपार्क हुँदै सिंहदरबारको मूलगेटसम्म आएको थियो ।
मार्चपासमा हिंसा बन्द गर्न, बलात्कारीलाई सजाय दिन, दोषी पहिचान गरी कारबाही गर्न सरकारलाई दबाब दिइएको छ ।
मार्चमा जसपा नेतृ हिसिला यमी, डा. गोविन्द केसी, नारायण वाग्ले, श्रृंखला खतिवडालगायत सहभागी थिए ।
