काठमाडौं । विभाजित नेकपाको प्रचण्ड-माधव पक्षले केन्द्रीय कार्यालय पेरिसडाँडामा जनयुद्ध दिवस मनाएको छ ।
पेरिसडाँडामा आयोजित सहिद स्मृति तथा सम्मान कार्यक्रमलाई सम्बोधन गर्दै प्रचण्डले अहिलेको सरकार र प्रधानमन्त्री केपी शर्मा ओलीका कारण जनयुद्धको उपलब्धि गुम्ने खतरा रहेको बताएका थिए ।
सोही कार्यक्रममा १० वर्षे जनयुद्धका कमाण्डरसमेत रहेका प्रचण्डले सहिदहरूको सम्झना गर्दै सहिद परिवारलाई सम्मान गरेका थिए । पूर्व प्रधानमन्त्री प्रचण्डले आफूहरू मर्नबाट बाँचेका मान्छौं हौ भन्दै संविधानमाथि घात भएको यो बेला फेरि मर्न परे पनि तयार हुने बताए ।
