भ्यालेन्टाइन डेमा उपहार : नेपाली उत्पादन नै दिने कि ?

काठमाडौं । प्रेममा परेका युवा-युवतीका लागि एउटा चाड झैं बनेको ‘भ्यालेन्टाइन्स डे’ । त्यसो त आजकाल श्रीमान-श्रीमतीले पनि भ्यालेन्टाइन डे मनाउन थालेका छन् ।

भ्यालेन्टाइन्स डेमा प्रेम-जोडीहरु उपहार आदानप्रदान हुने गर्छ । आफ्नो प्रेमी-प्रेमिकालाई दिने उपहारको खोजीमा गिफ्ट सपदेखि सपिङमल सम्ममा भीड लाग्छ । कोही चाहिँ उपहारको छनोटमै अल्मलिन्छन् ।

भ्यालेन्टाइन डेमा आदानप्रदान हुने उपहार प्राय विदेशबाट आयातित हुने गर्छन् । यसले नेपालको करोडौं पैसा विदेशिन्छ । त्यसैले भ्यालेन्टाइन डेमा पनि नेपाली उत्पादनलाई नै उपहारको रुपमा किन नदिने ? यसले तपाईको प्रेमलाई मौलिक र अग्र्यानिक बनाउनुसाथै नेपाली मौलिक उत्पादनको पनि प्रवद्र्धन हुनेछ । आउनुस हामी तपाईंलाई केही स्वदेशी उत्पादन सिफारिस गर्दैछौं ।

नेपाली ढाकाका लुगा

नेपाली बजारमा ढाकाका कपडाको छुट्टै महत्व छ । नेपालीपन झल्कने ढाकाले तपार्इंको व्याक्तित्वलाई अझ उँचो बनाउँछ । आजभोलि नेपाली ढाकाका पोशाक आधुनिक र स्टाइलिस पाइन्छन् । ती स्टाइलिस पोशाकमा युवा-युवतीले आफूलाई अझ कम्फर्ट अनुभूति गर्न सक्छन् ।

पस्मिना

नेपाली पस्मिनाको सल धेरैको रोजाइमा पर्ने गर्छ । नेपालमा मात्र होइन पश्चिमा मुलुकमा पनि उत्तिकै लोकप्रिय छन् पस्मिना कपडा । मुलायम र किफाइती पश्मिनाले तपाईको प्रेमलाई अझ न्यानो बनाउन सक्छ ।

सिङ्गिङ बाउल

हिमाली क्षेत्रमा बसोबास गर्नेले हातले बनाएको उच्च गुणस्तरको टिवेटियन सिङ्गिङ बाउल बुद्धिज्ममा धेरै नै प्रख्यात छ । सिङ्गलिङ बाउलबाट आएको आवाजले तपाईंलाई आध्यात्मिक उपचार गराउँछ । यसको आवजले तपाईलाई गहिरो ध्यान, सक्रिय र सकारात्मक विचार उत्पन्न गराउँछ । यो बाउललाई तपाईले जहाँसुकै बोकेर हिँड्न पनि सक्नु हुन्छ । यो वर्षको प्रेम दिवसमा यो उपहार तपाईकालागि विशेष हुनसक्छ ।

नेपाली मूर्ति

नेपाली कलाकारले कुँदेर बनाइएका मूर्तिले जो कोही नेपालीको मन जित्छ । कुनै पनि भगवानका मूर्ति उपहारले सम्बन्धित धर्मालम्बीले प्रेमि-प्रेमिकाको मन सजिलै जित्छ । भगवानका मूर्तिले तपाईको प्रेमलाई अझ भावनात्मक बनाउँछ ।

नेपाली ज्वेलेरी

नेपालमा निर्माण भएका मेटल तथा चाँदीका गहना विदेशमा धेरै निर्यात हुने सामानमा पर्छ । ती गहना पनि तपाईका प्रेमि-प्रेमिकाको लागि उत्तम उपहार हुन सक्छ । नेपाली कलात्मकता झल्किने नेपाली ज्वलेरीले विशेषगरी तपाईकी प्रेमिकाको मन चाढै नै जित्ने छ ।

नेपाली कागजका सामग्री

नेपाली कागजबाट बनेका सुन्दर सामग्रीले तपाईंको प्रेम दिवसलाई अझ उत्कृष्ट बनाउन सक्छ । नेपाली कागजबाट बनेका सामग्रीले तपार्इंको कोठालाई मात्र होइन मनलाई नै सुन्दर बनाउन सक्छ । आजभोली नेपाली कागजका सुन्दर उपहार बजारमा सजिलै प्राप्त गर्न सकिन्छ ।

पुस्तक

नेपाली लेखकले लेखेका राम्रा-राम्रा पुस्तकले तपाईको प्रेमि-प्रेमिकाको अध्ययन गर्ने बानीमात्र बसाल्दैन यसले बौद्धिक क्षमतालाई पनि निखार्छ । जसले तपाईको प्रेमलाई अझ नजिक ल्याउन

गुलावको बुकी

प्रेमको प्रतीकका रुपमा रहेको रातो गुलाव भ्यालेन्टाइन डे कै लागि बनेको हो भन्दा फरक नपर्ला । आजभोलि प्राकृतिक गुलावको फूलभन्दा पनि प्लाष्टिकको गुलावको फूल दिने प्रचलन बढेको छ । तर, तपाईले आफनो प्रेमी-प्रेमिकालाई प्राकृतिक नेपाली किसानले फुलाएको गुलावले दिन सक्नुहुने छ ।