अर्थमन्त्रीसँग नेपाल राष्ट्रिय उद्योगी व्यवसायी महासंघका प्रतिनिधि भेटघाट, ‘टाक्स फोर्स’ बनाएर अगाडि बढ्ने सहमति

काठमाडौं । नेपाल राष्ट्रिय उद्योग व्यवसायी महासंघको संयोजनमा ५० वटा वस्तुसंघहरुले आफ्ना उद्योग व्यवसायका समस्यालाई अर्थमन्त्रीबिष्णु पौडेल समक्ष लिखित प्रस्तुत गरेका छन् ।

फागुन ३ गते राष्ट्रिय उद्योग व्यवसायी महासंघको आयोजनामा हुन लागेको उद्योगी व्यवसायीको राष्ट्रिय भेलाका विषयमा जानकारी गराउन पनि अर्थमन्त्रीसँग भेटघाट गरिएको विघटित प्रतिनिधिसभाका सदस्य समेत रहेका राष्ट्रिय उद्योग व्यवसायी महासंघका नेता एलपी साँवा लिम्बुले बताए ।

भोली हुने भेला प्रधानमन्त्री केपी शर्मा ओली, अर्थमन्त्री बिष्णुप्रसाद पौडेल उद्योग बाणिज्य तथा आपूर्ती मन्त्री लेखराज भट्ट र परराष्ट्र मन्त्री प्रदीप ज्ञावलीले संवोधन गर्ने कार्यक्रम तय भएको समेत उनले नेपाल प्रेसलाई जानकारी दिए ।

उद्योगी व्यवसायीले अर्थमन्त्रीसँगको भेटकाक्रमा उद्योगी व्यवसायी समस्या राख्दै अर्थसचिवको संयोजकत्वमा एक’टाक्स फोर्स’  निर्माण अगाडि वढ्ने सहमति भएको छ ।

त्यसैगरी प्रत्येक वस्तुगत समितिसँग छलफल गर्दै ततकाल ससोधन गर्न सकिने समस्यालाई ततकाल समाधान गर्ने , बजेट निर्माणबाट संवोधन हुने समस्यालाई बजेट मार्फत संवोधन गर्ने र कानून संसोधन हुने समस्या कानून संसोधन गरेर भएपनि गरिने गरी सहमति भएको उनको भनाइ छ ।