भागरथी हत्याका आरोपी पक्राउपछि प्रहरीलाई गृहमन्त्रीको धन्यवाद

काठमाडौं । बैतडीकी चेली भागरथी भट्टको हत्यामा संलग्न अभियुक्त पक्राउ गर्न सफल भएकोमा गृहमन्त्री रामबहादुर थापा बादलले प्रहरीलाई धन्यवाद दिएका छन् ।

सबै प्रकारका महिला हिंसाका घटना नियन्त्रण गर्न मन्त्रालय संवेदनशील रहेको उनको भनाइ छ ।

फेसबुकमा थापाले लेखेका छन्, ‘निकै संवेदनशील रहेको यस घटनाको सफल अनुसन्धान गर्दै अभियुक्त पक्राउ गर्न सफल नेपाल प्रहरीसहितको टिमलाई धन्यवाद । सबै प्रकारका महिला हिंसाका घटना नियन्त्रण गर्न गृह मन्त्रालय संवेदनशील रहेको तथा यस्ता घटनामा संलग्नहरुलाई कारवाहीको दायरामा ल्याउन प्रतिवद्ध रहेको दोहोर्याउन चाहन्छु ।’