प्रदेश प्रमुख हटाइएकोमा कांग्रेसको विरोध

काठमाडौं । नेपाली कांग्रेसले प्रदेश २ का प्रमुखको बर्खास्त र नियुक्तिको विरोध गरेको छ ।

राष्ट्रपति विद्यादेवी भण्डारीले मन्त्रिपरिषदको सिफारिसमा शुक्रबार प्रदेश २ का प्रमुख तिलक परियारलाई पदमुक्त गर्दै राजेश झालाई नियुक्त गरेकी थिइन् ।

कांग्रेस प्रवक्ता विश्वप्रकाश शर्माले विज्ञप्ति जारी गर्दै संसद् विघटनको असंवैधानिक कदमपश्चात् कामचलाउ स्थितिमा पुगेको सरकारले बर्खास्त, नियुक्तिलगायतका काम गर्न नमिल्ने भन्दै स्वेच्छाचारी ढंगले भइरहेका काम तत्काल रोक्न सरकारलाई चेतावनी दिएका छन् ।