महिला लिगको उत्कृष्ट गोलकिपर पुलिसकी उषा नाथ

काठमाडौं । राष्ट्रिय महिला लिगको उत्कृष्ट गोलकिपर नेपाल पुलिसकी उषा नाथ बनेकी छन् । अखिल नेपाल फुटबल संघ (एन्फा)को आयोजनामा माघ ७ गतेदेखि सुरु भएर शुक्रबार समापन भएको लिगमा नेपाल पुलिस क्बल तेस्रो बन्दा उषा नियमित सदस्य थिइन् ।

आफूले सोचेको भन्दा राम्रो प्रदर्शन गरेर उत्कृष्ट गोलकिपर बन्न पाउँदा एकदमै खुशी लागेको उषाले बताइन् ।

‘आफैंले सोचको भन्दा पनि राम्रो प्रदर्शन गर्न सकेँ, एकदमै खुशी छु,’ उनले भनिन्, ‘उत्कृष्ट गोलकिपर नै बन्छु भन्ने सोचेको पनि थिइँन । तर राम्रै प्रदर्शन दिन सकेँ ।’

उत्कृष्ट गोलकिपर उषाले ५० हजार रूपैयाँ नगद पुरस्कार प्राप्त गरेकी थिइन् ।