सत्तापक्षको जिकिर: मुख्यमन्त्रीविरुद्धको अविश्वास प्रस्ताव टेबल हुनु संसदीय मान्यता विपरीत, न्यायका लागि अदालत जाने

विराटनगर । सरकार पक्षको बहिष्कारबीच मुख्यमन्त्री शेरधन राईविरूद्ध विश्वासको टेबल भएकोप्रति सरकारको नेतृत्व गरिरहेको नेकपाको ओली पक्षले आपत्ति जनाएको छ । उक्त पक्षले सरकारको सत्तापक्षको अनुपस्थितिमा अविश्वास प्रस्ताव टेबल हुनुलाई कानुन र संसदीय मान्यता विपरीत भएको टिप्पणी गरेको छ ।

ओली पक्षीय नेकपाको संसदीय दलका प्रमुख सचेत बुद्धीकुमारराज भण्डारीले नेपालप्रेससंग संक्षिप्त कुराकानी गर्दै एकलौटी रुपमा अविश्वासको प्रस्ताव सदनमा टेबल गर्ने प्रकृया नै गलत भएको बताए ।

‘प्रदेशसभामा अविश्वासको प्रस्ताव टेबल गर्ने आजको प्रकृया गलत छ’ प्रमुख सचेतक भण्डारीले भने, ‘विगतको संसदीय अभ्यास र प्रकृया लत्याउने काम भएको छ।’

उनले यसविरुद्ध कानुनी उपचारमा जानेसमेत बताए । ‘हामी न्यायका लागि अदालत सक्छौं’ भण्डारीले भने ।

नेकपाो प्रचण्ड–माधव पक्षले दुई महिनाअघि सदनमा दर्ता गराएको मुख्यमन्त्री विरुद्धको अविश्वास प्रस्ताव आइतबार प्रदेशसभा बैठकमा टेबल भएको छ । सरकार पक्षको बहिष्कारबीच अविश्वास प्रस्ताव टेबल भएको हो ।

अविश्वास प्रस्ताव टेबल भएसँगै प्रदेशसभा बैठक स्थगित गरिएको छ ।