जन्मदिनमा गंगा श्रेष्ठले रिलिज गरे देशप्रेमी गीत (भिडियो)
नेपाल प्रेस
२०७७ फागुन १० गते १८:०९
‘सयौं भाषा, सयौं भेष, सयौं जात–जाति
सबको पहिचान सबले सम्मान गर्नुपर्छ साथी’
प्रस्तुत गीत गायक गंगा श्रेष्ठको नयाँ गीत ‘सयौं भाषा, सयौं भेष’म उल्लेख छ । आफ्नो ५२ औं जन्मदिनको अवसरमा श्रेष्ठले यो गीत लन्च गरेका हुन् ।
नेपाल १२५ जात-जाति र १२३ भाषा-भाषी भएको इन्द्रधनुषी देश भएको गीतमार्फत उनले ब्यक्त गरेका छन् । यहाँ बसोबास गर्ने जातीय र भाषिक समुदायको भावलाई गीतमा उल्लेख गरिएको छ ।
राष्ट्रिय एकताको नाममा कसैको पहिचान नस्वीकार्ने अनि पहिचानको नाममा नेपाली हूँ भन्ने नै बिर्सने प्रवृत्तिलाई उनले उजागर गरेका छन् ।
राजेशपायल राईको स्वर रहेको गीतमा रमेश खड्काले संगीत भरेका छन् । गायक श्रेष्ठ स्वयमले गीत लेखेका हुन् । हाइलाइट्स नेपालको युट्युव च्यानलमा गीत उपलब्ध छ ।
नेपाल प्रेस
प्रकाशित: २०७७ फागुन १० गते १८:०९
प्रतिक्रिया
सम्बन्धित खवर
