माधव नेपालको प्रतिक्रिया- सर्वोच्चको फैसलाले लोकतन्त्रको रक्षा गरेको छ

काठमाडौं । प्रचण्ड-माधव पक्षका नेकपाका अध्यक्ष माधवकुमार नेपालले प्रतिनिधिसभा पुन:स्थापना गर्ने सर्वोच्चको फैसलाले जनताको जित भएको प्रतिक्रिया दिएका छन् ।

नेपाल प्रेस सँग कुरा गर्दै नेपालले आफूहरू सहमतिका साथ अघि बढ्ने बताए ।

नेपालले सामाजिक सञ्‍जालमार्फत संवैधानिक अपेक्षा र जनभावना अनुसार अत्यन्तै प्रशंसनीय र ऐतिहासिक फैसला सुनाएर लोकतन्त्रको रक्षा गरेकोमा सर्वोच्च अदालतप्रति आभार पनि व्यक्त गरेका छन् ।

‘ऐतिहासिक फैसलाले जनताको जित भएको छ । संविधानका प्रावधानलाई मिचेर केपी ओलीले गरेको प्रतिनिधिसभा विघटन प्रतिगमनकारी थियो । सम्मानित सर्वोच्च अदालतले सम्पूर्ण नेपाली जनता, आन्दोलनमा उत्रेका राजनीतिक दलहरु, नागरिक समाज, मिडिया, समाजका सबै तहका जनतालाई हार्दिक धन्यवाद दिन चाहन्छु ।’