ओलीपक्षीय स्थायी समिति बैठक स्थगित

काठमाडौं । विभाजित नेकपाको ओली पक्षको आज बस्ने भनिएको स्थायी समिति बैठक स्थगित भएको छ ।

प्रधानमन्त्रीसहित नेताहरुको व्यस्तताका कारण बैठक स्थगित भएको महासचिव बिष्णु पौडेलले जानकारी दिए । पार्टीको भावी रणनीतिबारे एकचरण छलफल भइसकेको र अन्य पक्षसँग पनि छलफल गर्नुपर्ने भएकाले स्थायी समिति बैठक सारिएको हो ।

स्थायी समिति बैठक बुधबार बसेको थियो । बैठकमा प्रधानमन्त्रीले सर्वोच्चको फैसलाअनुसार प्रतिनिधिसभा अधिवेशन बोलाउन राष्ट्रपतिसमक्ष सिफारिस गर्ने जानकारी दिएका थिए ।