यस्तो छ अवहेलना मुद्दामा दमननाथ ढुंगानाको लिखित जवाफ

काठमाडौं । पूर्वसभामुख तथा नेपाली कांग्रेसका नेता दमननाथ ढुंगानाले अदालतको अवहेलना सम्बन्धी मुद्दामा सर्वोच्च अदालतमा आफैं उपस्थित भएर लिखित जवाफ पेस गरेका छन् ।

बिहीबार अदालत पुगेका ढुंगानाले पेस गरेको लिखित जवाफमा आफूले प्रतिनिधिसभा विघटन सम्बन्धमा बोलेको विषयलाई तोडमोड गरेर अवहेलना मुद्दा लगाउन खोजिएको जिकिर गरेका छन् ।

ढुंगानाले एउटा कार्यक्रममा प्रतिनिधिसभा पुनःस्थापना नभए संवैधानिक इजलासमा रहेका न्यायाधीशहरूलाई जनताले सडकमा ल्याउने अभिव्यक्ति दिएका थिए । ढुंगानाले भने भिडियो समेत हेर्दा आफ्नो भनाइका विभिन्न अंश काटेर गलत ढंगले प्रवाह गरिएको बताएका छन् ।

ढुंगानाविरुद्ध अधिवक्ता राजाराम घिमिरेले अदालतका अवहेलनामा कारवाहीका लागि निवेदन दर्ता गराएका थिए । सो निवेदनमाथि सुनुवाइ गर्दै माघ १५ गते न्यायाधीश मनोजकुमार शर्माको एकल इजलासले लिखित जवाफसहित आफैं उपस्थित हुन आदेश दिएको थियो ।

ढुंगानाले अदालतमा पेश गरेको लिखित जवाफको पूर्णपाठ: