प्रेस काउन्सिलको सदस्यमा चार पत्रकार नियुक्त

काठमाडौं । सञ्चार तथा सूचनाप्रविधि मन्त्रालयले नेपाल प्रेस काउन्सिलको सदस्यमा चारजना पत्रकारलाई नियुक्त गरेको छ ।

मन्त्री पार्वत गुरुङको मन्त्रीस्तरीय निर्णयबाट नियुक्त भएका चारैजना सदस्यलाई काउन्सिलका कार्यवाहक अध्यक्ष गोपाल बुढाथोकीले बिहीवार औपचारिक रुपमा स्वागत गरेका छन् ।

सदस्य नियुक्त हुनेमा झापाका गणेश पोखरेल, कन्चनपुरका हरिप्रसाद जोशी, दोलखाका चिरन्जीवी मास्के र दाङका शरद अधिकारी छन् । उनीहरु चारैजना क्रियाशील पत्रकार हुन् ।