सभापति देउवाले गरे कांग्रेस नेता जोशीको स्वास्थ्यलाभको कामना
नेपाल प्रेस
२०७७ फागुन १४ गते १२:०६
काठमाडौं । नेपाली कांग्रेसका सभापति शेरबहादुर देउवाले पूर्वमन्त्री तथा नेपाली कांग्रेसका नेता नविन्द्रराज जोशीको स्वास्थ्यलाभको कामना गरेका छन् ।
सामाजिक सञ्जालमार्फत देउवाले स्वास्थ्यलाभको कामना गरेका हुन् ।
नेपाली कांग्रेसका युवा नेता, मेरा मित्र तथा कांग्रेस केन्द्रिय सदस्य @NcNabindrajoshi (नविन्द्रराज जोशी) विरामी भएर नर्भिक अस्पतालमा उपचाररत हुनुहुन्छ । उहाँको सिघ्र स्वास्थ्य लाभको कामना गर्दछु।
— Sher Bahadur Deuba (@DeubaSherbdr) February 26, 2021
शुक्रबार बिहान पौने ३ बजे शरीरको अंग नचलेपछि वीर अस्पताल पुर्याइरहेका जोशीलाई थप उपचारका लागि नर्भिक अस्पताल लगिएको थियो ।
नर्भिक अस्पताल स्रोतका अनुसार जोशीलाई ‘थ्यालेमिक ह्यामरेज’ भएको छ । यो भनेको मस्तिष्कको निकै संवेदनशील स्थानमा रगत जम्नु हो ।
चिन्ताजनक अवस्थामा रहेका जोशीको अप्रेसन गरी मस्तिष्कमा ड्रेन राखेर प्रारम्भिक उपचार थालिएको अस्पताल स्रोतले जनाएको छ ।
नेपाल प्रेस
प्रकाशित: २०७७ फागुन १४ गते १२:०६
प्रतिक्रिया
सम्बन्धित खवर
