‘कबड्डी ४’ निर्माण घोषणा, अन्तिम सिक्वेल हुने, रिलिज आउँदो वर्ष

काठमाडौं । चर्चित नेपाली फिल्म सिरिज ‘कबड्डी ४’ निर्माण घोषणा भएको छ । निर्माता एवं निर्देशक रामबाबु गुरुङले अन्तिम सिक्वेलको रुपमा ‘कबड्डी ४’ घोषणा गरेका हुन् ।

फिल्मको रिलिज चाहिँ २०७८ सालमा हुनेछ ।

फेसबुकमार्फत गुरुङले कबड्डीको चौंथो सिक्वेल घोषणा गरेका हुन् । चौंथो सिक्वेलको नाम चाहिँ ‘कबड्डी ४ : द फाइनल म्याच’ राखिएको छ । फिल्म आउँदो वर्ष छायांकनमा जाने र आउने वर्ष नै रिलिज हुने भएको छ ।

बाँसुरी फिल्मसले प्रोडक्सनले फिल्म निर्माण गर्नेछ । गुरुङको उक्त पोस्टबाट केही कुरा खुलासा हुन्छ । जस्तो : फिल्मको टाइटल, अन्तिम श्रृंखला र रिलिज मिति ।

नेपाल प्रेससँग कुरा गर्दै अभिनेता दयाहाङ राईले पनि कबड्डी चार बनाउने तय भएपनि रिलिज टुंगो नलागेको बताएका थिए । उनले स्क्रिप्टमा काम हुँदै गरेको जनाएका छन् ।

कबड्डी श्रृंखला निकै रुचाइएको नेपाली फिल्म हो ।