साइबर ब्यूरोको लोगो दुरुपयोग गरेर नक्कली फेसबुक पेज बनाउने पक्राउ

काठमाडौं । साइबर ब्यूरोको आधिकारीक लोगो दुरुपयोग गरी नक्कली फेसबुक पेज बनाएको आरोपमा एक जना पक्राउ परेका छन् ।

पक्राउ पर्नेमा कपिलबस्तु वाणगंगा नगरपालिका २ घर भई रुपन्देही बस्ने बर्ष १८ को प्रज्वल पोख्रेल रहेका छन् ।

पोख्रेलले नक्कली पेजको म्यासेन्जरबाट आम सर्वसाधारणसँग साईबर ब्यूरोबाट प्रहरीले कुरा गरेको जस्तो भान पारेर रकम असुल गर्न खोजेका थिए ।

उनलाई विद्युतिय कारोबार ऐन २०६३, अन्तर्गतको कसुर गरेको पाईएको हुँदा सम्मानीत जिल्ला अदालत काठमाण्डौबाट पक्राउ अनुमती लिई जिल्ला प्रहरी कार्यालय रुपन्देहीको सहयोगमा  पक्राउ गरेको हो ।

यस विषयमा प्रहरीले थप अनुसन्धान गरिरहेको छ ।