शिक्षकहरूको जिल्लान्तर सरुवा फुकुवा, यस्ता छन् सर्त
नेपाल प्रेस
२०७७ फागुन १६ गते १५:२३
काठमाडौं । एक जिल्लाबाट अर्को जिल्लामा शिक्षकहरू सरुवा हुन सक्ने भएका छन् ।
२ महिनादेखि रोक्का गरिएको शिक्षकको जिल्लान्तर सरुवा निश्चित सर्त तथा मापदण्ड पूरा गरेर गर्न सकिने भएको हो ।
शिक्षा तथा मानव स्रोत विकास केन्द्र सानोठिमीले आज एक परिपत्र जारी गर्दै शिक्षक सरुवाको लागि ६ वटा सर्त तोकेको छ ।
शिक्षा विकास तथा समन्वय इकाइले जिल्लान्तर सरुवा हुने स्थानीय तह तथा जिल्लाभित्रकै एक स्थानीय तहबाट अर्को स्थानीय तहमा सरुवा गर्दा सम्बन्धित स्थानीय तहले दरबन्दी मिलानको कार्य सम्पन्न गरेको प्रतिवेदन प्राप्त भए पछि मात्र गर्न सक्ने व्यवस्था गरिएको छ ।
त्यस्तै जिल्लान्तर सरुवा भई आउने शिक्षकहरूको विवरण पाक्षिक रूपमा पेश गर्नुपर्ने छ ।
नेपाल प्रेस
प्रकाशित: २०७७ फागुन १६ गते १५:२३
प्रतिक्रिया
सम्बन्धित खवर
