नालामा युवकको शव भेटियो, हत्याको शंका

जनकपुरधाम । जनकपुरधाम–ढल्केबर सडकखण्डअन्तर्गत धनुषाको लक्ष्मीनियाँ गाउँपालिका ७ स्थित नालामा एक युवकको शव फेला परेको छ ।

प्रहरीका अनुसार आज बिहान स्थानीय ४० वर्षीय ललन महराको शव फेला परेको हो । घटनास्थलको प्रकृति हेर्दा उनलाई कसैले मारेर नालामा फालेको हुनसक्ने स्थानीयको भनाइ छ । उनको मुखबाट रगत बगेको थियो ।

प्रहरीले नालाबाट उनको शव निकालेर पोष्टमार्टमका लागि जनकपुरस्थित प्रादेशक अस्पताल ल्याएको छ ।

घटना शंकास्पद रहेको भन्दै अनुसन्धान शुरु गरिसकेको धनुषाका प्रहरी प्रवक्ता डिएसपी मकेन्द्र मिश्रले जानकारी दिए ।