झम्सिखेलविरुद्ध खुमलटारको कठिन जित
नेपाल प्रेस
२०७७ फागुन १६ गते १७:५३
काठमाडौं । महेश राईले तेस्रो मिनेटमा गरेको एक मात्र गोलको बचाउ गर्दै खुमलटार युथ क्लबले शहीद स्मारक ‘बी’ डिभिजन लिगमा आइतबार झम्सिखेल युथ क्लबलाई १-० को नतिजामा पराजित गरेको छ ।
सातदोबाटोस्थित एन्फा कम्प्लेक्समा भएको खेलको तेस्रो मिनेटमा महेशले गोल गर्दै खुमलटारलाई अग्रता दिलाएका थिए ।
बाँकी समयमा दुवै तर्फबाट प्रयास गरे पनि गोल हुन नसक्दा खेल खुमलटारको पक्षमा परेको हो । जितसँगै ८ खेलबाट १९ अंक जोडेको खुमलटारले शीर्ष स्थानको सातदोबाटोसँग अंक बराबरी गरेको छ । एक खेल कम खेलेको सातदोबाटोको पनि समान १९ अंक छ ।
पराजित झम्सिखेल ८ खेलबाट ६ अंकसहित १०औं स्थानमा छ ।
नेपाल प्रेस
प्रकाशित: २०७७ फागुन १६ गते १७:५३
प्रतिक्रिया
सम्बन्धित खवर
