प्रचण्ड-माधव पक्षले भन्यो-विप्लवसँग सार्थक वार्ता गर,‘स्टन्ट’ नबनाऊ

काठमाडौं । विभाजित नेकपाको प्रचण्ड-माधव पक्षले सरकार र विप्लव नेतृत्वको नेकपाबीच सार्थक वार्ताबाट राजनीतिक निकास खोज्न खोजिएको हो भने त्यो स्वागतयोग्य रहेको प्रतिक्रिया दिएको छ ।

सरकारको वार्ता टोली गठनलगत्तै नेपाल प्रेससँग प्रतिक्रिया दिँदै प्रवक्ता नारायणकाजी श्रेष्ठले इमादारीपूर्वक वार्ताको पहल भएको हो भने त्यसको आफूहरुले स्वागत गर्ने बताए ।

श्रेष्ठले भने, ‘हामी जहिले पनि वार्ताद्वारा राजनीतिक समस्याको राजनीतिक ढंगबाटै समााधान होस् भन्ने पक्षमा छौं । तर त्यसलाई स्टन्ट नबनाएर सार्थक रूपमा इमानदारीपूर्वक अघि बढाउनुपर्छ । हामीले जहिले पनि स्वागत गर्छौं ।’

श्रेष्ठले आफूले पहिलेदेखिनै विप्लव समूहमाथि प्रतिबन्ध लगाउने,अपराधी घोषणा गर्नेजस्ता कार्यको विरोध गरेको समेत बताए ।