नेपाली फ्यानको उपचारमा बलिउड अभिनेता सोनु सुदले सहयोग गर्ने

दिल्ली- कोरोनाभाइरस महामारी सुरु भएदेखि नै बलिउड अभिनेता सोनु सुद मानवीय कार्यमा सक्रिय छन् ।

लकडाउनमा भारतीय मजदुरलाई आफ्नो ठाउँमा पठाउन यातायातको व्यवस्था गरेर होस् या, खानपिनको व्यवस्था गरेर । भारतमा उनको छवि फिल्मको भिलेन होइन, हिरोको रुपमा स्थापित भएको छ ।

उनले ट्वीटरबाटै फ्यानको समस्यालाई सम्बोधन गर्ने गरेका छन् । जसले गर्दा उनले फ्यानबाट माया पनि पाएका छन् ।

अतिथि देव भव:🙏
हिंदुस्तान से अपने देश नेपाल बिना लाठी के दौड़ते हुए जाओगे।
जय हिंद 🇮🇳@IlaajIndia @cmcdeepak #aiimsdelhi @SoodFoundation https://t.co/huYVRKyYJ9

— sonu sood (@SonuSood) March 1, 2021

हालै, अभिनेता सुदलाई उनका एकजना नेपाली फ्यानले शल्यक्रियाका लागि रकम जुटाउनुपर्ने र त्यसका लागि सहयोग गर्न ट्वीटरमार्फत आग्रह गरे । लठ्ठीको सहयोगमा हिँडेको भिडियो पनि उनले पोस्ट गरेका छन् ।

नेपाली प्रयोगकर्ता मधु पौडेलले आफू १० वर्षदेखि एङ्किलसिङ स्पोनडाइलिटिज (ढाड दुख्ने समस्या) बाट पीडित भएको र उपचारका लागि पैसा नभएको समस्या मेन्सन गरेका थिए ।

जवाफमा सुदले ट्वीट गरे –अतिथि देवो भवः । हिन्दुस्तानबाट नेपाल विना लठ्ठी दौडँदै पुग्नेछौ । जय हिन्द ।’