देउवाले बोलाए कांग्रेस पदाधिकारी बैठक
नेपाल प्रेस
२०७७ फागुन २० गते ७:५२
काठमाडौं । संसदमा पार्टीले निर्वाह गर्ने भूमिकाबारे धारणा बनाउन नेपाली कांग्रेसका पदाधिकारीहरुको बैठक आज बस्दैछ ।
सभापति शेरबहादुर देउवाले दिउँसो २ बजे बूढानीलकण्ठस्थित निवासमा पार्टीका पदाधिकारी, पूर्व पदाधिकारी तथा प्रभावशाली नेताहरुलाई छलफलका लागि बोलाएका हुन् ।
फागुन २३ गते बस्ने संसद बैठकमा कुन रुपमा प्रस्तुत हुने भन्नेबारे पदाधिकारी बैठकले तय गर्नेछ । शीर्ष तहमा धारणा तय गरेर संसदीय दल र केन्द्रीय समितिबाट अनुमोदन गर्ने तयारी कांग्रेसको छ ।
संसदीय दलको बैठक शुक्रबारका लागि बोलाइएको छ भने केन्द्रीय समितिको बैठक शनिबार बस्ने तयारी छ ।
नेपाल प्रेस
प्रकाशित: २०७७ फागुन २० गते ७:५२
प्रतिक्रिया
सम्बन्धित खवर
