पुरुषको हत्या आरोपमा प्रेमिका पक्राउ

कैलाली । कैलालीको गोदावरी नगरपालिका–५ गेटामा मृत भेटिएका शिवचरण रानाको हत्यामा संलग्नलाई प्रहरीले पक्राउ गरेको छ ।

जिल्ला प्रहरी कार्यालय कैलालीले हत्या आरोपमा एक महिलालाई पक्राउ गरेको जनाएको छ । स्रोतका अनुसार हत्यामा संलग्न अभियुक्तले प्रहरीसमक्ष आफ्नो अपराध स्वीकार गरेकी छिन्।

आरोपित युवती र मृतक रानाबीच प्रेम सम्बन्ध रहेको र त्यही सम्बन्ध बिग्रिएपछि हत्या गर्ने योजना बनाएको युवतीले प्रहरीलाई बयान दिएको स्रोतको भनाइ छ ।

४० हजार दिएर उनको हत्या गर्न लगाएको प्रहरी स्रोतको भनाइ छ । घटनामा संलग्न केही अझै फरार छन् ।