काठमाडौं मेयर-११ विरुद्ध पृथुको अर्धशतक

काठमाडौं । हिजोदेखि सुरु भएको मेयर कपमा काठमाडौं मेयर-११ विरुद्ध २४५ रनको लक्ष्य पछ्याइरहेको वाग्मती प्रदेशका लागि पृथु बाँस्कोटाले अर्धशतक बनाएका छन् । मूलपानी क्रिकेट मैदानमा वाग्मतीका लागि पाँचौं नम्बरमा ब्याटिङ गर्न आएका पृथुले ७१ बलमा ६ चौकासहित अर्धशतक पूरा गरेका हुन् ।

टस हारेर ब्याटिङको निम्तो पाएको काठमाडौं मेयर-११ ले निर्धारित ५० ओभरमा ९ विकेट गुमाएर २४४ रनको योगफल तयार गरेको थियो । जवाफी ब्याटिङमा उत्रिएको वाग्मतीले ३०.३ ओभरमा ७ विकेट गुमाएर १२९ रन बनाउको छ ।

अहिले पृथु ५४ र रामनरेश गिरी १ रन बनाएर खेलिरहेका छन् ।