अनमोल-सुहाना स्टारर ‘ए मेरो हजुर ४’ रिलिज डेट घोषणा, पोस्टर लन्च

काठमाडौं । अनमोल केसी र सुहाना थापा अभिनित फिल्म ‘ए मेरो हजुर’को चौथो श्रृंखलाले प्रदर्शन मिति घोषणा गरेको छ ।

सोमबार अफिसियल पोस्टर लन्च गर्दै फिल्मले भदौ १८ गते फिल्म रिलिज गर्ने घोषणा गरेको हो । आकर्षक पोस्टरमा अनमोल र सुहाना रोमान्टिक मूडमा चित्रित छन् ।

झरना थापा निर्देशित फिल्मले युवा पुस्ताको कथा भन्छ । सुनिलकुमार थापा निर्माता हुन् । ए मेरो हजुर ३ को जोडीको रुपमा अनमोल र सुहानालाई रुचाइएको थियो ।

फिल्मको तेस्रो चरणको सुटिङ फागुन अन्त्यदेखि सुरु हुने भएको छ । चौथो सिक्वेलको केही गीत र दृश्यको छायांकन बाँकी छ । भाइरस महामारीले गर्दा रोकिएको छायांकन कात्तिक १ देखि सुरु भएको थियो ।