एपीएफविरुद्ध अर्धशतक बनाएर कप्तान ज्ञानेन्द्र आउट!

काठमाडौं । वाग्मती प्रदेशका कप्तान ज्ञानेन्द्र मल्ल काठमाडौं मेयर कपमा विभागीय प्रतिद्वन्दी नेपाल एपीएफ क्लबविरुद्ध अर्धशतक बनाएर पेभेलियन फर्किएका छन् ।

त्रिवि क्रिकेट मैदान- कीर्तिपुरमा टस हारेर ब्याटिङको निम्तो पाएको वाग्मतीका लागि ओपनिङमा आएका ज्ञानेन्द्र ८४ बलमा ७ चौकासहित ५७ रन बनाएर अमरसिंह रौटेलाको बलमा किशोर महतोको हातबाट क्याच आउट भए ।

पहिलो खेलमा मेयर ११ सँग ९४ रनको पराजय बेहोरेको वागमतीले दोस्रो खेलमा पुलिससँग २ रनको पराजय भोगेको थियो । तेस्रो खेलमा पहिलो जित खोजिरहेको वाग्मतीले ३१ ओभरमा ४ विकेट गुमाएर ११९ रन बनाएर खेलिरहेको छ ।

वाग्मतीका इशान पाण्डे २४ रन बनाएर खेलिरहेका छन् भने अदिल खान शून्यमा खेलिरहेका छन् ।