अनलाइन सञ्चारमाध्यम नवीकरण गर्ने समयसीमा आगामी जेठ मसान्तसम्म

काठमाडौं । सरकारले अनलाइन सञ्चारमाध्यमलाई नवीकरण गर्ने समयसीमा आगामी जेठ मसान्तसम्मका लागि दिएको छ ।

अनलाइन सञ्चारमाध्यम सञ्चालन निर्देशिका, २०७३ को दफा ६ को उपदफा १ बमोजिम सञ्चार तथा सूचनाप्रविधि मन्त्रालयले २०७४ चैत १४ गते यस सम्बन्धी सूचना नेपाल राजपत्रमा प्रकाशित गरिसकेको छ ।

सूचनाको खण्ड ख बमोजिम २०७७ पुस महिनाभित्र नवीकरण नभएका अनलाइन सञ्चारमाध्यमले २०७८ जेठ मसान्तभित्र नवीकरण गराउनुपर्ने मन्त्रालयका सचिव हरिप्रसाद बस्यालले जारी गरेको सूचनामा भनिएको छ ।

निर्देशिकाको दफा ५ बमोजिम दर्ता भएका अनलाइन सञ्चारमाध्यम प्रत्येक आर्थिक वर्ष समाप्त भएको मितिले ६ महिना अर्थात् पुस महिनाभित्र नवीकरण गराइसक्नुपर्छ ।