जनकपुरमा कर अधिकृत डेढ लाख घुससहित पक्राउ

जनकपुरधाम । आन्तरिक राजश्व कार्यालय जनकपुरका कर अधिकृत र एक विचौलियालाई अख्तियारको टोलीले घुस रकमसहित रंगेहात पक्राउ गरेको छ ।

जनकपुरस्थित अन्नपूर्ण होटलबाट कर अधिकृत रमेश ढकाल र विचौलिया नविन कर्ण घुस रकमसहित पक्राउ परेका हुन् । डेढ लाख रुपैया घुस रकमसहित उनी दुबै जनालाई पक्राउ गरिएको अख्तियार दुरुपयोग अनुसन्धान आयोगको कार्यालय बर्दिबासले जनाएको छ ।

पक्राउ परेका दुवै जनालाई कानूनी प्रक्रिया पुरा गरी बर्दिबास कार्यालय लगिने बताइएको छ ।