पेन्सन लिन हिँडेका वृद्ध मृत भेटिए
नेपाल प्रेस
२०७७ चैत १ गते १२:२२
ओखलढुङ्गा । ओखलढुङ्गा, मोलुङ गाउँपालिका- ५का एक वृद्ध मृत फेला परेका छन् ।
६६ वर्षीय शंकर तामाङ सोही ठाउँस्थित पाखाबारी गोरेटो बाटो नजिक शनिबार मृत अवस्थामा फेला परेका हुन् ।
उनी फागुन १६ गते घरबाट पेन्सन लिन हिँडेका थिए । तर घर नफर्केपछि खोजी गर्ने क्रममा उक्त बाटोबाट करिब ३० मिटर तल लडेर मृत्यु भएको अवस्थामा उनको शव फेला परेको हो ।
यस सम्बन्धमा स्थानीय प्रहरीले आवश्यक अनुसन्धान गरिरहेको छ ।
नेपाल प्रेस
प्रकाशित: २०७७ चैत १ गते १२:२२
प्रतिक्रिया
सम्बन्धित खवर
