चीनद्वारा हङकङमाथि नियन्त्रण गर्न निर्वाचन व्यवस्थामा परिवर्तन

हङकङ- चीन सरकारले चिनियाँ सर्वोच्च आधिकारिक संस्थाले मतदानबाट हङकङ विशेष प्रशासन क्षेत्रको निर्वाचन व्यवस्थाको सुधारसम्बन्धी निर्णय पारित गरेको जानकारी दिएको छ ।

बेइजिङमा गरिएको पत्रकार सम्मेलनमा चीनका विदेशमन्त्री वाङ यीले हङकङ निर्वाचन व्यवस्थाको सुधार विभिन्न पक्षका लागि फाइदाजनक हुने धारणा राखेका हुन् ।

उनले भने, “निर्वाचनको सुरक्षाबाट देशको सुरक्षा गर्नु विश्वको सामान्य नियम हो । विश्वभरि कुनै देशले आफ्नो क्षेत्रीय निर्वाचनलाई स्वदेशको सुरक्षामाथि खतरा उत्पन्न गर्ने वातावरणलाई स्वीकार्न सक्दैन ।”

विदेशमन्त्री वाङले भने- हङकङमा कानुन संशोधन घटनाबाट सामाजिक अशान्तिसम्म बनेको छ । जसबाट हेर्दा हाल हङकङको मुख्य समस्याको कानुन उलङ्घन गर्ने र जथाभावी हिंसा मच्चाउने पक्षलाई कानुनी दायरामा ल्याउने हो । यस विषयमा चिनियाँ केन्द्रीय सरकारले छुट दिँदैन ।”

उनले सरकारको निर्णयबाट चिनियाँ नागरिक सन्तुष्ट भएको बताए ।

गत वर्ष हङकङ सुरक्षा कानुनको निश्चितता तथा कार्यान्वयन सँगै चीनविरोधी तथा हङकङलाई अराजक पार्ने शक्तिलाई नियन्त्रण गरेर हङकङ मामिलामाथि बाह्य शक्तिको हस्तक्षेप पनि निषेध गरिएको छ ।

हङकङको समृद्धि तथा स्थिरता चीनको हित मात्र नभई अन्तर्राष्ट्रिय जगतको हितसँग पनि अनुकुल रहेको चिनिया अधिकारीहरूको दावी रहेको छ । उनीहरूले राजनीतिक वातावरणमैत्री र समाज स्थिर भएको हङकङ अझ सुन्दर हुने धारणा राख्दै आएका छन् ।