खाना पकाउने ग्यास जडान गर्ने क्रममा आगलागी हुँदा चार घाइते
नेपाल प्रेस
२०७७ चैत ३ गते १७:४२
कैलाली । कैलालीको टीकापुर नगरपालिका–१ निवासी जीवन विष्टको भान्सा घरमा खाना पकाउने ग्यास चुहावट भई आगलागी हुँदा चार घाइते भएका छन् ।
ग्यास जडान गर्ने क्रममा आज भएको आगलागीबाट ३० वर्षीय निज विष्टसहित उनकी पत्नी २८ वर्षीया बबिता विष्ट, तीन वर्षीय छोरा जेनेल र सोही वडाको विजयनगर मुक्तकमैया शिविरका हरि चौधरी घाइते भएको जिल्ला प्रहरी कार्यालयका प्रवक्ता प्रतीक विष्टले बताए ।
घाइतेमध्ये जीवन विष्ट र हरी चौधरीको अवस्था गम्भीर छ । अन्य दुईको अवस्था समान्य छ । घटनामा घाइते हुनेलाई तत्काल टीकापुर अस्पतालमा पुर्याइएकोमा थप उपचारका लागि कोहलपुर लगिएको छ ।
नेपाल प्रेस
प्रकाशित: २०७७ चैत ३ गते १७:४२
प्रतिक्रिया
सम्बन्धित खवर
