सर्वोत्तम सिमेन्टले नियुक्त गर्यो आईपीओ बिक्री प्रबन्धक
नेपाल प्रेस
२०७७ चैत ४ गते १२:५८
काठमाडौं । सर्वोत्तम सिमेन्टको आईपीओको बिक्री प्रबन्धकमा ग्लोबल आईएमई क्यापिटल नियुक्त भएको छ ।
कम्पनीले सह बिक्री प्रबन्धकमा भने एनआईबीएल एस क्यापिटल र प्रभु क्यापिटललाई नियुक्त गरेको छ ।
सर्वोत्तम सिमेन्टले ६० लाख कित्ता शेयर बुक बिल्डिङ्ग विधिमार्फत जारी गर्न लागेको हो । जसमा ६० प्रतिशत सर्वसाधारण र अयोजना प्रभावित तथा ४० प्रतिशत संस्थागन लगानी कर्ताले खरिद गर्न पाउनेछन् ।
शेयर बुक बिल्डिङ्ग विधिमार्फत जारी हुने भएकाले कम्तीमा १० संस्थागत लगानीकर्ताले मूल्य तोक्नेछन् ।
सर्वोत्तम सिमेन्टले नेपाली पुँजी बजारको इतिहासमै फरक तरिकाले आईपीओ ल्याउन लागेको हो । हालसम्म प्रतिकित्ता सामान्यतः प्रतिकित्ता सय रूपैयाँ र प्रिमियम मूल्यमा आईपीओ जारी हुँदै आएकोमा सर्वोत्तम भने बुक विल्डिङ प्रक्रियाबाट आईपीओ जारी गर्न लागेको हो ।
नेपाल प्रेस
प्रकाशित: २०७७ चैत ४ गते १२:५८
प्रतिक्रिया
सम्बन्धित खवर
