कञ्चनपुरमा टायर पड्किएर गाडी दुर्घटना, एकको मृत्यु, ६ घाइते
नेपाल प्रेस
२०७७ चैत ४ गते १४:०४
कैलाली । कञ्चनपुरमा टायर पड्किएर गाडी दुर्घटना हुँदा एक जनाको मृत्यु भएको छ ।
पूर्वपश्चिम राजमार्ग अन्तर्गत कृष्णपुर नगरपालिका–५ गुलरियामा बुधवार बिहान महेन्द्रनगरबाट धनगढी आउँदै गरेको म १ ज २४३ नम्बरको वीङ्गर गाडी टायर पड्किँदा दुर्घटना भएको हो ।
दुर्घटनामा डडेल्धुराको अमरगढी नगरपालिका–५ बस्ने ७७ बर्सिया मन्दिरा देवी पन्तको मृत्यु भएको जिल्ला प्रहरी कार्यालय कञ्चनपुरले जनाएको छ ।
गाडी दुर्घटना हुँदा थप ६ जना घाइते भएका छन् । घाइतेको धनगढी स्थित माया मेट्रो अस्पतालमा उपचार भइरहेको जिल्ला प्रहरी कार्यालय कञ्चनपुरका प्रहरी निरीक्षक राजेश शाहीले जानकारी दिए।
नेपाल प्रेस
प्रकाशित: २०७७ चैत ४ गते १४:०४
प्रतिक्रिया
सम्बन्धित खवर
