कर्णालीका मुख्यमन्त्री भन्छन्- सदनबाट विश्वासको मत लिन्छु
नेपाल प्रेस
२०७७ चैत ४ गते १६:०७
कर्णाली प्रदेशका मुख्यमन्त्री महेन्द्रबहादुर शाही ।
सुर्खेत । प्रमुख सत्तारुढ दल नेकपा एमालेले समर्थन फिर्ता लिने निर्णय गरेसँगै कर्णालीमा महेन्द्रबहादुर शाहीको सरकार अल्पमतमा परेको छ ।
एमालेको सो निर्णयमा प्रतिक्रिया दिँदै मुख्यमन्त्री शाहीले सदनबाट विश्वासको मत लिने बताएका छन् ।
‘लोकतन्त्रमा समर्थन दिने, लिने कुरा सामान्य हुन् । उहाँहरूले समर्थन फिर्ता लिएको खण्डमा म सदनबाट विश्वासको मत लिन्छु,’ उनले भने, ‘त्यसका लागि हामी मानसिकरुपमा तयार छौं ।’
एमालेले भोलि चैत ५ गतेबाट लागू हुने गरी सरकारको समर्थन फिर्ता लिने निर्णय गरेको हो ।
एमालेको संसदीय दलका नेता यामलाल कँडेलले आफ्नो पार्टीले समर्थन झिकेसँगै सरकार कामचलाउमा परिणत हुने बताएका छन् ।
नेपाल प्रेस
प्रकाशित: २०७७ चैत ४ गते १६:०७
प्रतिक्रिया
सम्बन्धित खवर
