कांग्रेसको पौडेल पक्षले बैठक बोलायो
नेपाल प्रेस
२०७७ चैत ८ गते १३:२५
फाइल तस्वीर ।
काठमाडौं । नेपाली कांग्रेसका वरिष्ठ नेता रामचन्द्र पौडेलले आफूनिकट नेताहरूको बैठक बोलाएका छन् ।
पछिल्लो राजनीतिक परिस्थिति र पार्टीको आसन्न महाधिवेशनबारे छलफल गर्न पौडेल पक्षका नेताहरूलाई बोहराटार बोलाइएको हो ।
बैठकमा महामन्त्री डा. शशांक कोइराला, कोषाध्यक्ष सीतादेवी यादव, पूर्वमहामन्त्री प्रकाशमान सिंह, नेताहरू अर्जुननरसिंह केसी, डा.रामशरण महत, डा.मिनेन्द्र रिजाललगायतलाई बोलाइएको पौडेलनिकट स्रोतले बतायो ।
२ बजेपछि बोहराटारमा बस्ने बैठकमा समसामयिक राजनीतिबारे कुरा हुने बताइएको छ । सो बैठकले पार्टीको केन्द्रीय समितिको बैठक अविलम्ब बोलाउन सभापतिको ध्यानाकर्षण गराउने पौडेलनिकट नेताहरू बताउँछन् ।
नेपाल प्रेस
प्रकाशित: २०७७ चैत ८ गते १३:२५
प्रतिक्रिया
सम्बन्धित खवर
