घनश्याम भुसाललाई प्रश्न- अराजनीतिक आरोप तयार पार्न अग्रसर किन भएको ?

काठमाडौं । नेकपा (एमाले)ले पार्टी हित विपरित काम गरेको भन्दै नेता घनश्याम भुसाललाई तीन दिनको समय दिएर स्पष्टीकरण सोधिएको छ । महासचिव ईश्वर पोखरेलद्वारा सोधिएको स्पष्टीकरणमा पार्टी अध्यक्ष केपी शर्मा ओलीविरुद्ध तयार पारेको १९ पृष्ठ लामो आरोप पत्र तयार पार्न अग्रसर रहेको आरोप लगाइएको छ ।

यसमा संलग्न हुनुको कारण सोध्दै स्पष्टीकरण पत्रमा भनिएको छ–तपाईंले साविक नेपाल कम्युनिष्ट पार्टी (नेकपा) को स्थायी कमिटी सदस्यको जिम्मेवारीमा रहँदाको अवस्थामा पार्टी अध्यक्ष केपी शर्मा ओलीका विरूद्धमा १९ पृष्ठ लामो अराजनीतिक, तथ्यहीन र शत्रूतापूर्ण आरोप तयार गर्न, पार्टी विधानको व्यवस्थाविपरीत छापामार शैलीमा तत्कालीन पार्टी सचिवालयमा प्रस्तुत गर्न र त्यसलाई पार्टीको नाम, झण्डा र लोगो समेतको अनधिकृत रूपमा प्रयोग गरी पुस्तकाकारमा प्रकाशित गरेर वितरण गर्नमा अग्रसर भई पुष्पकमल दाहालको मतियार समेत भई पार्टी हितविपरीत कार्य गरेको र गराउनु पर्नाको कारण के हो ?’

उनलाई तत्कालीन नेकपा अध्यक्ष पुष्पकमल दाहाल ‘प्रचण्ड’को मतियार भएको आरोप लगाइएको छ ।

हेर्नुहोस् भुसाललाई सोधिएको स्पष्टीकरण :