स्पष्टीकरणको जवाफ दिन माधव समूह तयार, ओलीसँग पनि जवाफ माग्ने

काठमाडौं । नेकपा एमालेको असन्तुष्ट समूहले पार्टीद्वारा चार नेताहरुलाई सोधिएको स्पष्टिकरणको जवाफ दिने निर्णय गरेको छ ।

ललितपुरमा आज सम्पन्न सो समुहका स्थाइ समिति सदस्यको बैठकमा यस्तो आन्तरिक समझदारी भएको हो ।

यसअघि नेपाल पक्षका नेताहरुले स्पष्टिकरण सोध्ने निर्णय नै अवैध रहेको भन्दै जवाफ नदिइने बताएका थिए । तर, आजको अनौपचारिक वैठकले पनि फरक सहमति गरेको छ ।

बैठकमा सहभागी स्थायी समिति सदस्य युवराज ज्ञवालीले स्पष्टीकरणको जवाफ दिइने बताए । उनले नेपाल प्रेससँग भने, ‘हामीले यस्तो गतिविधि किन गर्यौं भन्ने कुराको जवाफ दिन्छौं । र, केपी ओलीले देशलाई दिनुपर्ने जवाफ पनि हामी सोध्छौं ।’